أهم الأخبار اليوم .. «أبلة فاهيتا»: «بياني اللي فات كان صدمة ..كنت فاكرة كلمتي هاتمشي»

0 تعليق 0 ارسل لصديق نسخة للطباعة تبليغ

نشر حساب «أبلة فاهيتا»، على «فيس بوك»، اليوم الجمعة، بيانًا جديدًا، يحمل عدد من الرسائل، لمراسل برنامجها شادي حسين، ولرجال الأمن، ولحرية التعبير، والذي يعد البيان الثاني بعد واقعة «فيديو الواقي الذكري»، خلال ذكرى ثورة 25 يناير.

وذكر بيان «أبلة فاهيتا»: «عزيزي شادي: إنت شاب شاطر وموهوب وعارف غلاوتك عندي حتى بطيشك وجنونك وهزارك الثقيل. أنا متأكده أنك ماتقصدش غير انك تعبر عن رأيك.. انت شاب والشباب لما بيحبط بيلوش.. قلبي عندك وحضنك عندي».

وقالت: «عزيزي العسكري الغلبان: حقك علينا، إنت على راسنا من فوق طول ما أنت بتحمي بيوتنا وبوتيكاتنا وحقوقنا، وحتى لو ده واجبك.. إحنا مقدرين ومتشكرين. ماتزعلش ده شباب محبط وتقلها في الهزار. عزيزي الشعب: أحضن نفسك، إنت مالكش غيرك، وعزيزتي حرية التعبير: متكاتفة معاكي ومش ناوية اسيبك، ده إنتي برضك يتيمة زي كارو».

وختمت بيانها: «أعزائي حبايبي وأعدائي: حقكم تاخدوا على خاطركم مني، البيان اللي نزل الأسبوع اللي فات كان صدمة ليا قبل ما يكون صدمة ليكوا.. كنت فاكرة إني الأقوى وكلمتي هي اللي هتمشي، لكن طلع فيه الأقوى..أنا ست حرة ومابخافش ومش هاعيش غير حرة.. بيقولولي يا أبلة كان باين إنه مش كلامك، خليكي ساكتة وبكرة الناس هتنسى.. قولتلهم المهم أنا امتى هانسى».

------------------------
الخبر : أهم الأخبار اليوم .. «أبلة فاهيتا»: «بياني اللي فات كان صدمة ..كنت فاكرة كلمتي هاتمشي» .. تخلي صحيفة الاجيال الحرة مسئوليتها الكاملة عن محتوي هذا الخبر وانما تقع المسئولية علي الناشر الاصلي للخبر و المصدر هنا : المصرى اليوم - مصر

إخترنا لك

أخبار ذات صلة

0 تعليق